بلاوي البنات

عدد الرسائل : 5

--------------------------------------------------------------------------------

السلام عليكم

شخبـــــــــــــارcom
لالالالا تخافون ماراح احط صوركم خخخخ

البعض منكم يعرف اني بطاليه مارواي شغل ولا مشغله
اسهر الليل وارقد النهار خخخخ سمعتكم قلتوا حشه وطواط مب مس ورد
المهم في يوم من لايام كانت امي تصارخ مسوووووووووووووووووووووووو وووو

وانا فزيت من الشبريه على بالي البيت احترق وافتح الدريشه وبنقز واحد اثنين ثلاثه يللا مسو وفجأه اشوف امي وأقول لأمي يللا يللا معاي بسرعه قبل ما تحترقين واتمطني امي من شعري وين وين وين سايره وانا وبكل براءه (ليش البيت مااحترق)خخخخخخخ

أمي: مسووووووووووو عندج نص ساعة لو مارتبتي الحجره بقطع النت
(انا كل شي عندي ولا يقطعون النت اقطعوا رأس مس دبي ولاتقطعون النت)ومثل ماتعرفون حكم القوي على الضعيف
وانا جاعده ارتب الحجره شفت اجمل واحلى واعز الذكريات الي كانت تربطني بمس دبي أيام المدرسه (صور ,ورسايل في الحصص ,أوراق الامتحانات خخخ ....ألخ)
اه اه اه
مااجملج يأحلى ذكريات
الحين بخبركم كيف تعرفت على مسموستي مس دبي
أول ما تعرفنا على بعض كنافي أول ثانوي
أول اسبوع كنت بروحي بعدها ام البلاوي سبوووج خخخخ ماشرفت وكنت هاديه وبريئه على نياتي ويت ام البلاوي مس دبي وجلست وراي في الكلاس في البدايه كل وحده فينا تشوف الثانيه وتبتسم بصراحه مس دبي حلجي عورني وانا وابتسم كنت اقول خيبه هذي حلجها ماعورها خخخخخ
المهم توقعوا شو اول سؤال سألتني مس دبي أكيد كلكم بتقولون اكيدسألتج شو أسمج ولا في أي مدرسه كنتي تدرسين وانا بقولكم لا
وكالعاده مس دبي ديما أدش عرض تخيلوا شو سألتني انتي تحبين تشوفين المباريات فقلت لها وكلي براءه هيه
والله العظيم صرخت صرخه بصراحه خفت على بالي الحبيبه مسكونه خخخخخخ (مسوووووووو ربيعتي ليش كنتي تصارخين اتريا الرد)
ومن هنا بدأت مغامرات (سبيجه ورقيه)خخخخخ
أه اه اه من وين أبدأ
مس دبي طال عمركم اول ماتوصل المدرسه ترفع المريول وتركض صوب حجرة الوكيله
اكيد كلكم مستغربين وتسألون شو عندها طال عمركم مس دبي تشيك من الابله الغايبه وتبشرنا الصبح ههههه
والكلمه السريه عندنا عسب محد يدري ان عندنا احتياط
الابله الفلانيه خطفوها خخخخخخخ الله يهديج يامس دبي
واذا ماعندنا احتياط انطلع احتياط انا ومس دبي (سبوج)
من تحت الارض بقولكم كيف , نسوي تصويت على الحصص والحصه الي تصويتها اقل ما نحضر لها خخخخخخ
المهم بخبركم عن يوم لايمكن ننساه انا ومس دبي فيوم من لايام شردنا انا ومس دبي من حصة الاحياء واذكر بعد كانت الحصة الرابعه ومن نحاستنا اليوم اللي كنا شردات فيه كان ضاحي خلفان في المدرسه هيه ضاحي خلفان واونه عاد الوكيله والمديره يعرفونه عن المدرسه ويامصيبتنا
وكانت الوكيلة حاطه جاسوسات في المدرسة اللي يسمعنا يقول سايرات حرب مب مدرسه وطبعا هالجاسوسات يدورن على البنات الشاردات احم احم
وانا ومس دبي وين نسير وين نختفي وين نشرد الوكيله والمديره وضاحي خلفان يلفون المدرسه لا ملجأ لنا

مس دبي : مس ورد شو رايج نسير صف من الصفوف اكيد بنلقى صف عندهم احتياط وبندخل
المهم ندور صف عنده احتياط مالقينا كل الصفوف شغاله
مس دبي : خلاص تووووووبه اخر مره اشرد من هالحظه بصير زلامايه وبحضر كل الحصص ( طبعا هالرمسه سامعتنها مليون مره من مس دبي)
وخلااااااااااااااااااااااااص انا ومس دبي أستسلمنا للأمر الواقع وقلنا خلاص بيزخونا والسالفه فيها فصل ولا تعهد ولا بيخبرون الاهل

مس ورد: مس دبي عندج ورقه وقلم من الحين بكتب رقم امي ماراح اخسر الوكيله

مس دبي : اووووووووه اعطيهم رقم منو ابوي ولا امي رقم امي يفشل ورقم ابوي اخس خخخخخخخخخ (نحن وين ومس دبي وين والله حاله )وانا ومس دبي فاقدات الامل تخيلوامس دبي شو تسألني:مسو كم يوم بيعطونا اجازه(فصل) عسب اذا اعطونا اسبووع بسير بوظبي (والله انج انسانه فاضيه)
**
والحمدالله شفنا بنات ثالث علمي ظاهرات من المختبر
مس ورد: مس دبي عليهن
مس دبي ومس ورد: الله يخليكم انقضونا ماعندنا ملجأنلجأ اليه (حشه البوسنه والهرسك مب مس دبي وورد)
فالله يجازيهن خير غطوا على السالفه قالولنا امشوا معانا على اساس انكم منا وفينا الله الله منو قدج مس دبي اونج عاد علمي انتي وين والعلمي وين خخخخخ
وعطونا كتبهم ومن حظنا الحلو كانوا بنتين غايبات وجعدنا مكانهم على اساس نحن منهم وفيهم وعدت السالفه بسلام
ترقبوا الجزء الثاني من مصايب وبلاوي مس دبي ومس ورد
(سبيجه ورقيه) حصريا على ..............